بدون اسم المدير العام
عدد المساهمات : 168 تاريخ التسجيل : 15/07/2010
| موضوع: بعض الحلول الناجحة والمجربة فى الإسكندرية ضد قنابل الغاز المسيل للدموع 11/21/2011, 23:20 | |
| بعض الحلول الناجحة والمجربة فى الإسكندرية ضد قنابل الغاز المسيل للدموع: 1- للسيطرة على القنابل: مجموعات من فردين فى أماكن متفرقة من الميدان، لابسين قناع واقى من الغازات (موجود فى جميع محلات مهمات الأمن الصناعى) ولابسين جوانتى المطافى (من نفس المحلات)، واحد فيهم يمسك جردل مياه، ويتابعوا القنبلة ويتوقعوا مكان نزولها ع الأرض، وأول ماتنزل اللى إيده فاضية يمسكها بالجوانتى ويرميها جوا جردل المياه اللى ماسكه التانى.. القنبلة كدا بقت مجرد صفيحة .. وملهاش أى تأثير..
2- لعلاج المصابين بأعراض الإختناق، تجهيز عدد كبير من البخاخات (من المنظفات المنزلية الفارغة)، وملأ الثلثين بالماء النقى والثلث الأخير (أو أقل) من عقار "إبيكوجيل" (متوافر فى جميع الصيدليات)، وخلطهما جيداً .. وتوزع البخاخات على أكبر عدد من الأشخاص، ويفضل انتشارهم لأكبر حد ممكن .. ورش العقار على وجه وعيون اللى استنشق الغاز..
3- كمان اللى معاه بخاخة ياريت يكون معاه أى قطعة قماش (كمه، أو كوفيته، أو أى قماش يسهل الوصول إليه) ويبلل طرفها جيداً بالخل .. ويقربها من أنف اللى استنشق الغاز وينصحه بأخذ نفس عميق من الخل ..
وإن شاء الله هيكون للغاز أقل تأثير ممكن ويكاد يكون منعدم..
رجاء النشر لتعم الفائدة.. ربنا ينصركم يا ثوار مصر وأحرارها..
| |
|